ކިލޯ ބައިޓަކަށް އެއްލާރި

ދިވެހި ރާއްޖޭގެ ގުޅުން ޕްރައިވެޓް ލިމިޓެޑް ނުވަތަ ދިރާގަކީ ވިޔަފާރި އިޝްތިހާރު ކުރުމުގައި އާދަޔާއި ޚިލާފު އުކުޅުތަކެއް ގެންގުޅެމުންދާ ކުންފުންޏެކެވެ. މިގޮތުން ވަރަށް ފަހުންވަނީ "ކިލޯ ބައިޓަކަށް އެއްލާރި" މިނަމުގައި ވަރަށް އަގުހެޔޮކޮށް މޯބައިލް އިންޓަނެޓް ދޫކުރާކަމުގެ އިޝްތިހާރެއް މާލޭގެ އެކި ހިސާބުތަކުގައި ހިއްޕާފައެވެ. މިއިންޓަނެޓްގެ ޚިދުމަތުގެ އަގު ހެޔޮކަމަށް ބަލާލުމަކީ ނެތްކަމެއް ނޫންކަމަށް ދެކެމެވެ. ތިރީގައި އެވަނީ އަޅުގަނޑު އާންމުކޮށް ކޮންމެ ދުވަހަކުވެސް ވަރަށް ގިނައިން ބަލަމުންދާ ވެބްސައިޓްތަކެވެ. މިވެބްސައިޓްތަކުގެ ފުރަތަމަ ޞަފްޙާ ސޭވްކޮށްފައި ހުރި ބުރަދަނަށް ދިރާގުން ފޮނުވާ ބިލުގެ ތަފާސް ހިސާބެއް ހަދާލާނަމެވެ.

1.ޖީމެއިލް – 958 ކޭބީ، މީގެ މާނައަކީ މިއަށް 958 ލާރި އެރުމެވެ. ރުފިޔާއިން 9.58 ރުފިޔާއެވެ.

2.ހާމަ ޑެއިލީ – 1259 ކޭބީ، މިއީ 1259 ލާރިއެވެ. ރުފިޔާއިން 12.59 ރުފިޔާއެވެ.

3.ހަވީރު – 761 ކޭބީ ، މިއީ 761 ލާރިއެވެ. ރުފިޔާއިން 7.62 ރުފިޔާއެވެ.

4.މަނަދޫލައިވް – 2590 ކޭބީ، މިއީ 2590 ލާރިއެވެ. ރުފިޔާއިން 25.90 ރުފިޔާއެވެ.

5.ސީއެންއެން – 857 ކޭބީ، މިއީ 857 ލާރިއެވެ. ރުފިޔާއިން 8.57 ރުފިޔާއެވެ.

6. މުރާސިލް - 980 ކޭބީ، މިއީ 980 ލާރިއެވެ. ރުފިޔާއިން 9.80 ރުފިޔާއެވެ.

މިފަސް ވެބް ސައިޓަށް ދުވާލަކު އެއްފަހަރު ވަންނަނަމަ ދުވާލަކު އަތުން 74.06 ރުފިޔާ ޚަރަދު ވެގެންދާނެއެވެ. މިވަރަކުން އަދި ނިމުނީއެއް ނޫނެވެ. މިޚިދުމަތް ހޯދުމަށް 1200ރ ދީފައި ދިރާގުން މޮޑެމް އެއްވެސް ގަންނަށް ޖެހެއެވެ. މިޚިދުމަތުންވާ ހަމައެކަނި ފައިދާއަކީ ކޮންމެ ތަނެއްގައި ހުރެފައިވެސް އިންޓަނެޓްގެ ބޭނުން ކުރެވޭ ކަން އެކަންޏެވެ. ނަމަވެސް ސުވާލަކީ އިޝްތިހާރު ކުރާއިރު "ކިލޯބައިޓަކަށް އެއްލާރި" ކިއީމާ ތަންދޮރު ނުދަންނަ މީހުން ހީކުރާނީ "އައްދެ ހާދަ އަގުހެވޭދޯ މިހާރު" މިހެންނެވެ. ނަމަވެސް މިއީ ޙަޤީޤަތްތޯއެވެ. ދިރާގުން މިގޮތަށް މީހުންނަށް އޮޅުވާލުމަކީ އަލަށް ކުރަމުންދާ ކަމެއް ނޫނެެވެ. މިޚިދުމަތް ބޭނުން ކުރުމުގެ ކުރިން ދެވަނަ ވިސްނުމަކަށް ދިޔުން ބުއްދިވެރިއެވެ.